Çfarë po ndodh me eksportet e Shqipërisë drejt Kosovës? Shifrat e tregtisë së jashtme: Importet, s’kanë të njëjtën tendencë!

Vitet e fundit eksportet shqiptare po gjejnë gjithnjë e më shumë tregun e Kosovës. Referuar shifrave tregtisë së jashtme të publikuara nga INSTAT, gjatë muajit tetor 2018 Shqipëria ka eksportuar drejt Kosovës thuajse 3 miliard  lekë mallra duke njohur një rritje me thuajse 1 miliard lekë krahasuar me tetorin e vitit 2017.

Edhe në rang 10 mujori, eksportet e Shqipërisë drejt Kosovës rezultojnë me rritje të konsiderueshme. Në periudhën janar-tetor 2018 Shqipëria ka eksportuar në total 22.4 miliard lekë mallra, duke shënuar një rritje me thuajse 5 miliard lekë krahasuar me të të njëjtën periudhë të një viti më parë.

Importet

Rritja e ritmit të eksporteve duket se nuk ndiqet nga ritmi i importeve, raporton portali ekonomik SCAN. Nëse analizojmë të dhënat e INSTAT, rezulton se në muajin tetor importet nga Kosova ishin në nivelin e 934 milion lekëve duke shënuar një rritje me 148 milion lekë krahasuar me të njëjtën periudhë të një viti më parë.

Ndërkohë, edhe në rang 10 mujori, rritja e këtij viti rezulton me rreth 400 milion lekë krahasuar me të njëjtën periudhë të një viti më parë.

Lexo edhe: http://www.scan-tv.com/kosova-deklaron-lufte-ekonomike-takse-100-per-cdo-produkt-serb/

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.