Çfarë po ndodh me paundin? – Po ‘barazohet’ me 1$
Pas një muaji pasigurie të Brexit, turistëve në disa aeroporte në Mbretërinë e Bashkuar mezi po iu ofrohet një dollar amerikan për secilin paund të tyre.
Ata që shkëmbejnë paund në aeroportin më të madh të Britanisë së Madhe, Heathrow, po marrin më pak $ 1.05 mbrapsht. Që nga 16 prilli paundi ka rënë me 11.77% kundrejt dollarit amerikan. Në disa vende, sterlina blen më pak se një euro, ndërsa turistëve u ofrohet vetëm 92 cent për çdo paund. Kundër dollarit, sterlina është tani më e dobët që nga prilli i vitit 2017, megjithëse është rikuperuar pak pasi Theresa May fitoi votën e saj të besimit. Në mars 2008, sterlina vlente më shumë se 2.00 dollarë.
Ndërsa ka disa faktorë të tjerë pas rënies së vlerës së paundit, siç janë shanset e një rritjeje të normës së interesit, shumica e ekspertëve pranojnë se faji është kryesisht i politikës së Brexit. “Gjatë muajve të fundit … kemi parë disa zhvillime në negociatat e Brexit, dorëheqjet e deputetëve dhe kohët e fundit një sfidë lidershipi që ka ngjallur turbullira të konsiderueshme për paundit” – tha Ian Strafford-Taylor, shefi ekzekutiv i FairFx.
Dilema e monedhës. Thyerja e parave në një port ose aeroport është mënyra më e shtrenjtë për ta bërë këtë, dhe zakonisht ka marrëveshje shumë më të lira në internet ose në pikat e tjera të këmbimit valutor. Normat turistike janë gjithashtu më të shtrenjta se normat e këmbimit zyrtar, pasi marrin parasysh kostot e sigurimit të zyrave të ndryshimit. Por dobësia e paundit i lë të gjithë ato që duan të udhëtojnë me një dilemë: A duhet të blerë tani paundi apo të pritet me shpresën se do ta marrë veten? “Mbetet të shihet se si do të dalin gjërat ndërsa ne drejtohemi drejt daljes së Britanisë Madhe nga BE, por jemi duke u përballur me më shumë pasiguri dhe pasiguria është një nga shkaqet më të mëdha të paqëndrueshmërisë për valutë”, tha Stafford-Taylor.
Por ndërkohë çfarë mund të bëhet? Mund të përdoren karta krediti udhëtimi të cilat nuk mbajnë transaksione dhe është mënyra më e mirë për të marrë valutë. Karta të tilla përfshijnë FairFX, Revolut dhe WeSwap. Gjithashtu nëse keni një sasi parash mund të blini gjysmat tani dhe gjysmat më vonë. Nëse mendoni se paundi do të luhatet kështu të paktën sido të jetë do të keni gjysmat e parave të pathyera.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.