Chevron largohet nga Norvegjia, gjiganti i parë që del nga tregu norvegjez

Kompania amerikane e naftës Chevron (CVX.N) do të bëhet prodhuesi i parë i naftës që do të dale zyrtarisht nga shteti i norvegjez (NCS) pasi ka transferuar aksionet e saj, sipas një deklarate zyrtare. Prodhuesit e naftës, duke përfshirë Exxon Mobil (XOM.N), BP (BP.L) dhe Shell (RDSa.AS), kanë zvogëluar praninë e tyre në Norvegji duke shitur apo bashkuar asetet e tyre për tu fokusuar në mundësi të reja rritjeje diku tjetër.

Chevron po kërkon gjithashtu të shesë asetet në Detin e Veriut Britanik në mënyrë që të përqendrohet në rritjen e prodhimit të argjilave në SHBA, si dhe në fushën gjigante të Tengiz në Kazakistan.

Sipas një letre nga ministria norvegjeze e naftës dhe energjisë të datës 28 shtator dhe e marrë nga Reuters, Chevron ka rënë dakord të transferojë aksionet e saj me 20 për qind në një licencë eksplorimi në Arktik, i quajtur PL859. Vendimi do të thotë se “Chevron Norway mbyll aktivitetet e saj në Norvegji duke e lënë NCS përgjithmonë” shkruhet ne deklaratën e ministrisë.

Një zëdhënëse për Chevron konfirmoi për Reuters se kompania arriti marrëveshjen me DNO në muajin Korrik, por nuk deklaroi vlerën e saj. “Transaksioni është subjekt i disa kushteve dhe aprovimeve, dhe pritet të marrë disa muaj për t’u mbyllur,” u shpreh zgjedhësja.

Ministria tha se ka rënë dakord për transferimin e garancive të aksioneve me kusht që Chevron të mund të mbulojë pjesën e saj të kostove të nxjerrjes nga përdorimi në Draugen, një fushë nafte kjo e cila është aktualisht në prodhim. Chevron shiti aksionet e saj 7.56 për qind të Draugen në VNG të Austrisë në vitin 2014 për një shumë të pazbuluar.

Equinor i Norvegjisë (EQNR.OL), operatori i PL859, bëri një zbulim të vogël jo-komercial të gazit në 2017, por shtyu planet për të shpuar një pus të dytë të lejuar nga licenca deri në 2019. BP nuk mban më aksion të drejtpërdrejtë në fushat norvegjeze, por zotëron 30 për qind të Aker BP të Norvegjisë (AKERBP.OL), e cila operon një numër të fushave prodhuese dhe licencave të eksplorimit. Equinor tha më 1 tetor se kishte rënë dakord të blinte 40% të aksioneve të Chevron në fushën e Rosebank nga Ishujt Shetland.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.