China Mobile, larg SHBA – Trump përpiqet të bllokojë hyrjen e firmës në tregun amerikan
Qeveria amerikane po përpiqet të bllokojë China Mobile që të ofrojë shërbime në tregun e telekomunikacionit në SHBA, duke rekomanduar që aplikimi i firmës të refuzohet për shkak të rreziqeve që lidhen me sigurinë kombëtare.
Komisioni Federal i Komunikacionit FÇ duhet refuzojë kompaninë shtetërore të Kinës që të ofrojë shërbime në SHBA, sipas Administratës Kombëtare të Telekomunikacionit dhe Informacionit.
China Mobile është operatori më i madh në botë me 899 milionë përdorues. Zëdhënësi i Ministrisë së Jashtme në Kinë, Lu Kang, tha se Kina inkurajon kompanitë që të operojnë në përputhje me rregullat e tregut dhe të respektojë ligjet dhe shtoi se Shtetet e Bashkuara duhet të ndalojnë së vendosuri presion të paarsyeshëm ndaj firmave kineze.
Lëvizja e Administratës së Donald Trump për të bllokuar China Mobile, vjen në një kohë të përplasjes tregtare mes 2 vendeve. SHBA pritet të vendosin tarifa në 34 miliardë dollarë mallra kinezë në datën 6 Korrik.
Një tjetër kompani që është përfshirë në luftën tregtare është ZTE. Kjo e fundit u detyrua që të ndalojë operacionet në Prill, ndërkohë që SHBA prishi lidhjet me furnitorët, për shkak se firma ishte përpjekur që të shmangte sanksionet amerikanë në Iran dhe Korenë e Veriut.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.