Cila është zonja e parë e Ukrainës, dhe si e priti ajo emërimin e Volodimir si president i vendit

Zonja e parë, e re e Ukrainës, Olena Zelenska, nuk ‘jeton’ larg profesionit të bashkëshortit të saj. Deri një javë më parë, ajo ishte skenaristja profesionale në shfaqjen e komedisë së burrit të saj. Tani është koha për t’u bërë, jo vetëm serioze, por “e pasionuar për demokracinë”, tha ajo në një intervistë për‘’The Daily Beast.’’

“Është interesante se çfarë po ndodh tani,” tha ajo. “Jo vetëm kundërshtarët tanë, por edhe përkrahësit tanë përpiqen të përshtaten me Volodimir dhe mua në një lloj karikature, duke diskutuar shfaqjet. Duhet të specifikojmë se Volodimir nuk do të jetë kurrë kukull e askujt,” ka theksuar zonja e parë.

Zelenska dhe burri i saj e kuptuan se duhej të bënin diçka për të ndalur krizën në Ukrainë, është shprehur ajo, dhe më në fund ata vendosën të marrin pjesë në politikë dhe jo thjesht ta satirizojnë atë.  Më e rëndësishmja konsiston në faktin se Zelenska është e bindur se ekipi i ri duhet të largohet nga ndërtesa e madhe e administratës presidenciale.

“Ne nuk duam të hyjmë brenda,” tha ajo. “Vendi është i infektuar me të kaluarën e errët dhe negative. Ne do të ishim të lumtur të krijojmë aty një muze bashkëkohor nga ajo ndërtesë, ose ta shndërrojmë atë në ndonjë universitet “.

Çështja kryesore, që miliona njerëz duan të kenë informacion lidhet me presidentin e ri dhe mënyrën se si ai planifikon të zhvillojë marrëdhëniet e tij me presidentin rus Vladimir Putin dhe zonja e parë ka një mendim të prerë në lidhje me këtë temë.

“Është e pamundur të nisësh nga zeroja. Unë nuk mendoj se do të ketë negociata të drejtpërdrejta dypalëshe në çdo kohë, “tha Zelenska. “Volodimir nuk është gati për një krizë të tillë, por ai është i gatshëm të negociojë me Rusinë në praninë e liderëve ndërkombëtarë”.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.