Cilat janë marrëveshjet që u firmosën sot me Katarin – Grup pune i posaçëm për identifikimin e potencialeve për investime në Shqipëri

Një sërë marrëveshjesh janë nënshkruar sot mes kryeministrit Edi Rama dhe homologut, Abdullah bin Naser Al Khalifa Al Thani gjatë vizitës së tij në Katar.

Më konkretisht ato përfshijnë:

• Marrëveshjen Për Transportin Detar mes qeverisë së Shtetit të Katarit dhe Këshillit të Ministrave të Republikës së Shqipërisë
• Letër qëllimi për bashkëpunimin ndërmjet Ministrisë së Brendshme të Republikës së Shqipërisë dhe Ministrisë së Brendshme të Shtetit të Katarit
• Letër qëllimi për bashkëpunimin në Fushën e Sportit Ndërmjet Ministrisë së Arsimit, Sportit dhe Rinisë së Republikës së Shqipërisë dhe Ministrisë së Kulturës dhe Sporteve të Shtetit të Katarit

Ndërsa vlerësuan bashkëpunimin ekzistues mes dy vendeve, palët ranë dakord se bashkëpunimi do të thellohet më tej edhe në fusha si ajo e bujqësisë, energjisë, agroindustrisë , energjisë dhe kryesisht në sektorin e energjisë së rinovueshme. Po ashtu, me interes të madh i mirëprit edhe bashkëpunimi në fushën e transportit ajror.

Ndërkohë, gjatë takimit dypalësh Abdullah bin Naser Al Khalifa Al Thani deklaroi se ka ngritur një grup të posaçëm pune i kryesuar nga ai vetë që së shpejti pritet të zhvillojë një vizitë në vendin tonë me qëllim identifikimin e potencialeve dhe orientimin sa më të mirë të investimeve në bashkëpunimin mes dy vende.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.