Cilat janë përgjegjësitë dhe roli i OBSH dhe pse Trump kërkon që të ulë financimin për të?
Organizata Botërore e Shëndetit (OBSH) u themelua si organi shëndetësor global i Kombeve të Bashkuara në vitin 1948, pas Luftës së Dytë Botërore me një mandat për të promovuar shëndetin global, për të mbrojtur kundër sëmundjeve infektive dhe për t’i shërbyer të prekurve.
Programi i tanishëm parashikon zgjerimin e kujdesit shëndetësor universal në një miliardë më shumë njerëz, mbrojtjen e një miliardi tjetër nga urgjencat shëndetësore dhe sigurimin e një miliardë njerëzve të tjerë me shëndet më të mirë.
Në terma praktikë, OBSH-ja dobët e financuar, vepron si një shtëpi qendrore për hetime, të dhëna dhe rekomandime teknike mbi kërcënimet e sëmundjeve në zhvillim siç janë koronavirusi dhe Ebola. Ajo gjithashtu mbështet zhdukjen e sëmundjeve ekzistuese të tilla si malarja dhe polio dhe promovon shëndetin publik global.
Përfshirja e saj praktike është shumë më e shënuar në jugun global, ku ka punuar për të zgjeruar kujdesin shëndetësor bazë, të mbështesë vaksinimet dhe të mbështesë sisteme shëndetësore të dobëta dhe shpesh të stresuar përmes programeve të urgjencave. Buxheti i saj për 2018-9 ishte 4.8bn dollarë, dhe u bë 5.7 miliardë dollarë kur u përfshinë urgjencat.
Trump ka paraqitur ngrirjen e fondeve amerikane në OBSH, si një përgjigje e drejtpërdrejtë ndaj asaj që ai pretendon se ishte reagim i ngadaltë në ngritjen e alarmit mbi kërcënimin global nga koronavirusi dhe të qenurit tepër “Kino-centrike” në përgjigjen e tij.
OBSH, në të cilën SHBA teorikisht kontribuon afërsisht 10-15% të buxhetit të si ndër kontribuesit më të madh të saj, ka bërë thirrje për $ 1bn shtesë për të ndihmuar në luftimin e koronavirusit. Duket se Trump po ndjek një politikë të njohur: gjetjen e të tjerëve për të fajësuar për keqmenaxhimin nga ana e tij për pandeminë, politikë që ka përfshirë quajtjen e virusit një virus kinez, fajësimin e administratës së mëparshme të Obamës dhe guvernatorëve të shteteve.
Sulmi i Trumpit mbi besueshmërinë e të dhënave të OBSH-së dhe sistemeve të paralajmërimit të hershëm, në ndjekje të axhendës së tij kundër Kinës, kërcënon rolin e saj udhëheqës. Ndërsa diplomacia globale e shëndetit është një veprim balancues kur kemi të bëjmë me vende si Kina, të cilat kanë një rekord të dobët për lirinë e fjalës, transparencën dhe të drejtat e njeriut, informacioni i ofruar nga zyrtarët shëndetësorë të OBSH është krijuar për të qenë i dobishëm shkencërisht dhe klinikisht në kontroll të përhapjes së sëmundjes.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.