Cilat janë shtetet me barazinë më të lartë gjinore?!
Bota po lëviz drejtë barazisë gjinore, por po lëviz shumë ngadalë. Vetëm gjashtë vende aktualisht u japin grave dhe burrave të drejta të barabarta, thuhet në një raport nga Banka Botërore.
Kjo është një rritje krahasuar me një dekadë më parë, por shkalla e progresit do të thotë se, gratë nuk do të arrijnë barazi të plotë në fushat e studiuara nga Banka Botërore deri në vitin 2073, sipas llogaritjeve të CNN.
Belgjika, Danimarka, Franca, Letonia, Luksemburgu dhe Suedia kanë numrin më të lartë të barazisë gjinore. Nga këto kombe, Franca pa përmirësimin më të madh gjatë dekadës së kaluar për zbatimin e një ligji mbi dhunën në familje, duke dhënë dënime penale për ngacmimet seksuale në vendin e punës.
Studimi synonte të qartësonte se si punësimi i grave është i prekur nga diskriminimi ligjor në çdo moment në karrierën e tyre. Kriteret e analizuara ishin: fillimi i një pune, pagesa, martesa, fëmijët, drejtimi i një biznesi, menaxhimi i pasurisë dhe marrja e një pensioni. Në përgjithësi, mesatarja globale erdhi në rritje krahasuar me një dekadë më parë. Por rezultati tregon se gratë marrin vetëm tre të katërtat e të drejtave ligjore që përfitojnë meshkujt.
“Nëse gratë kanë mundësi të barabarta për të nxjerrë në pah potencialin e tyre të plotë, bota jo vetëm që do të jetë më e drejtë, do të ishte edhe më e begatë”, tha Presidentja e përkohshme e Grupit të Bankës Botërore, Kristalina Georgieva.
Ndryshimi po ndodh, por jo mjaft i shpejtë, dhe 2.7 miliardë femra janë ende të ndaluara ligjërisht që të kenë të njëjtën liri zgjedhje për punën që duan të bëjnë pune, njëlloj si burrat. Sipas një raporti të veçantë nga Instituti Global McKinsey, i lëshuar në vitin 2015, mbyllja e boshllëkut gjinor në fuqinë punëtore mund të shtojë 28 trilionë dollarë në GDP globale.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.