Cilat janë tre shtetet që do fillojnë vaksinimin anti-Covid që në dhjetor?
Ndërsa udhëheqësit e G20 u zotuan të sigurojnë shpërndarjen e drejtë të vaksinave, ilaçeve dhe testeve Covid-19 në mënyrë që vendet e varfëra të mos lihen jashtë, SHB., Mbretëria e Bashkuar dhe Gjermania njoftuan planet për të filluar vaksinimet në vendet e tyre në dhjetor, ndërsa Spanja tha se do të fillojë administrimin e vaksinës për qytetarët e saj në janar.
Britania mund të japë miratimin rregullator të vaksinës Cfid-19 të Pfizer-BioNTech që këtë javë, njoftoi të dielën gazeta Telegrafi e MB. Duke cituar burime qeveritare, Telegrafi gjithashtu tha se Shërbimi Shëndetësor Kombëtar i Mbretërisë së Bashkuar tha që të ishte gati ta administronte vaksinën në 1 dhjetor.
Pfizer dhe BioNTech mund të sigurojnë autorizimin urgjent të SHBA dhe Evropës për vaksinën e tyre Covid-19 muajin tjetër pasi rezultatet përfundimtare të provës treguan një sukses 95% dhe pa efekte anësore serioze. Moderna javën e kaluar lëshoi të dhëna paraprake për vaksinën e saj që tregon efektivitetin 94.5%.
Në SHBA, kreu i Programit të Vaksinave, Moncef Slaoui, tha se amerikanët e parë do marrin një vaksinë që më 11 dhjetor, njoftoi CNN të dielën.
Gjermania mund të fillojë gjithashtu administrimin e vaksinave Covid-19 sa më shpejt muajin tjetër, u citua të thoshte të dielën ministri i shëndetësisë Jens Spahn. Ai tha se Spanja dhe Gjermania ishin vendet e para të Bashkimit Evropian që kishin një plan të plotë vaksinimi.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.