Cilat janë vendet pa asnjë rast të konfirmuar të COVID-19 në botë!

Pandemia e COVID-19 është duke përfshirë  gjithë botën, megjithatë ka akoma disa vende që mbeten të paprekura nga virusi. Që nga e enjtja, ka 19 vende ku askush nuk ka rezultuar pozitivisht ndaj virusit dhe ato janë të vendosura në Afrikë, Azinë e Lindjes së Mesme dhe Oqeaninë.

Por Kombet e Bashkuara po paralajmërojnë se disa prej këtyre vendeve mund të “degradohen  agresivisht” nëse virusi përhapet në disa prej tyre.

Kombet pa asnjë rast janë:

• Afrika – Lesoto, Komora, Sao Tome & Principe, Malawi, Sudani i Jugut
• Azi – Turkmenistani, Koreja e Veriut, Taxhikistani, Jemeni
• Oqeania – Ishujt Solomon, Samoa, Palau, Tuvalu, Nauru, Kiribati, Shteti i Federuar i Mikronezisë, Vanuatu, Tonga, Ishujt Marshall

Por ekspertët paralajmërojnë se shumë prej këtyre vendeve janë me rrezik të lartë për COVID-19. Jemeni i shkatërruar nga lufta në Lindjen e Mesme po e shqetëson OKB-në pasi konflikti pesë-vjeçar i vendit e ka lënë Jemenin me një sistem të kujdesit shëndetësor të shkatërruar dhe një popullsi të dobësuar. KB po bën thirrje gjithashtu për armëpushim në luftë, duke thënë se njerëzit duhet të luftojnë virusin duke mos luftuar më njëri-tjetrin.
Drejtori i UNCTAD për globalizimin dhe strategjitë e zhvillimit Richard Kozul-Ëright tha se ato janë kryesisht vende në zhvillim me sistem të dobët të kujdesit shëndetësor.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.