Cilat shtete po mbajnë pezull planin 750 milion eurosh të BE-së për rimëkëmbjen ekonomike post-pandemi
Drejtuesit e lartë të Bashkimit Evropian mbeten të bllokuar për të arritur një marrëveshje të propozuar shpëtimi për bllokun pas rënies ekonomike nga COVID-19.
Një samit i BE që synonte të debatonte mbi një fond të përbashkët të rimëkëmbjes u zhvillua gjatë fundjavës, por diskutimet janë zgjatur për të vazhduar deri të hënën në darkë.
Një fond prej 750 miliardë eurosh (859 miliardë dollarë) fillimisht u propozua si pjesë e buxhetit shtatë-vjeçar të BE-së që synonte rimëkëmbjen ekonomike dhe sociale nga COVID-19.
Propozimi fillestar përfshinte një kombinim prej 500 miliardë eurosh në grante dhe 250 miliardë euro për t’u shpërndarë në kredi. Por propozimi u rrëzua menjëherë pasi Hollanda, Austria, Suedia dhe Danimarka raportuan se kishin shprehur shqetësime për shumën e granteve prej 500 miliardë eurosh, duke preferuar një pjesë më të madhe të kredive si pjesë e kësaj pakete.
Gjatë fundjavës, grupi, i njohur ndonjëherë si “Frugal Four”, sugjeroi të jepej në maksimum 375 miliardë euro grante në vend të kësaj, ndërsa kombe si Spanja – e cila është goditur më shumë nga virusi – argumentojnë se grantet duhet të jenë minimumi 400 miliardë euro, raportoi BBC. Gjithashtu janë shfaqur shqetësime rreth faktit nëse fondet do të përdoren vetëm për të zgjidhur krizën COVID-19 apo do abuzohet me to.
Gjermania dhe Franca raportohet se i lanë negociatat herët – një shenjë që gjërat nuk po shkojnë mirë.
Progresi midis liderëve të BE ndihmoi euron të rritet në një rekord 4-mujor pasi monedha fitoi 0.3% ndaj dollarit për t’u tregtuar në 1.15 dollarë të hënën.
Diskutimet janë planifikuar të fillojnë më vonë pasditen e së hënës.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.