Cilësia e ujrave të plazheve në 2020-ën – Agjencia Europiane e Mjedisit: 95.8% brenda standardeve, përkeqësohen lumenjtë e liqenet
Cilësia e ujrave plazheve u përmirësuan gjatë vitit 2020, në raport me një vit më parë sipas raportit të fundit të Agjencisë Europiane të Mjedisit. Sipas këtij raporti, 95.8% e ujërave të raportuara janë në përputhje me standardet minimale të cilësisë të Direktivës Europiane të Ujrave Larës, duke u klasifikuar kështu “të mjaftueshëm”, “mirë” ose “shkëlqyer”. Më konkretisht, me nivelin “shkëlqyer rezulton 76.5% e ujëarve larës, ndërsa 17.6% futen në klasifikimin “mirë”.
Vetëm 4.2% e mostarve rezultojnë në gjendje “të keqe” për vitin 2020, teksa të dhënat janë nxjerrë pas analizimit të 1071 mostrave. Përmirësimi i cilësisë së ujërave të plazheve mund të shpjegohet edhe me aktivitetin më të ulët gjatë sezonit turistik të vitit të kaluar, si pasojë e situatës së krijuar nga COVID-19, çka bëri që numri i pushuesve në bregdet të ishte më i vogël. Ndërkaq, ndryshe paraqitet situate e cilësisë së ujërave të brendshëm të plazheve që ndodhen në lumenj dhe liqene, pasi sipas raportit të Agjencisë Europiane të Mjedisit, vihet re rritja e ujërave që klasifikohen me cilësi “të keqe”.
Sipas të njëjtit raport, gjatë vitit 2019, asnjë prej këtyre ujrave nuk klasifikohej s ii tillë, ndërkohë që gjatë vitit që lamë pas vihet re një rritje me 33% e tyre. Cilësia e ujërave të plazheve vlerësohet përmes matjes së 2 treguesve mikrobialë, që janë Escherichia Coli dhe Enterokoket e zorrëve.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.