Cilët do të jenë përfituesit e rinj të Paketës së Zgjeruar Ekonomike? Nga agjencitë turistike te shoferët. Kryeministri bën publik detajet
Qeveria ka paralajmëruar se do të zgjerojë më tej paketën e ndihmës financiare për kapërcimin e pasojave të shkaktuara nga masat parandaluese për përhapjen e COVID-19 në Shqipëri. Në këtë paketë parashikohet shtimi i disa kategorive të reja që nuk kanë përfituar nga paketa e parë.
Sipas kryeministrit, paketa e zgjeruar e mbështetjes financiare, synon të lehtësojë drejtëpërdrejtë:
-bizneset e vogla që edhe pse nuk u mbyllën gjatë kësaj periudhe, u goditën ndjeshëm në xhiron e tyre si pasojë e luftës, si për shembull agjenci turistike, rrobaqepēsi e mobileri të vogla, hidraulikë, elektriçistë, fizioterapi, kancelari, servise makinash e lavazhe të liçencuar, etj., përfshirë edhe shoferët e taksive e të linjave të transportit urban e punonjësit e tyre…
-punonjësit e bizneseve të mëdha, që bazuar në listë-pagesat e fundit të ditës së djeshme, figurojnë të goditur nga lufta në vendin e tyre të punës, të cilëve do t’u sigurojmë mjetet e nevojshme financiare të rezistencës për dyzetë ditët vendimtare në vijim – duke mbajtur parasysh se një pjesë e madhe e tyre mund të rikthehen në punë deri në fund të majit dhe se paketa mund të rizgjerohet, sipas dinamikës e nevojave të luftës në 10 ditëshin e fundit të muajit maj
-sektorët e turizmit e të industrisë fason dhe njësitë prodhuese në tërësi
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.