Cilët janë 10 burgjet më të rrezikshëm në botë?!
Filmat si The Shawshank Redemption, Escape Plan dhe Escape from Alcatraz as nuk i afrohen asaj që ndodh në të vërtetë pas hekurave. Cilët janë 10 burgjet më të rrezikshëm në botë:
- Burgu i ishullit Petak, Rusi
Ai strehon disa nga të dënuarit më të rrezikshëm në Rusi, por ata nuk i frikësohen rrezikut nga njëri-tjetri pasi ndërveprimi i tyre është i kufizuar për shkak të mbylljes në qelitë e vogla me dy persona për 22.5 orë në ditë ndërsa 1.5 orët e mbetura shpenzohen në kafaze. Të burgosurve nuk u lejohet asnjë lloj arsimimi, lejohen vetëm dy vizita të shkurtra në vit, privohen nga pajisjet sanitare dhe torturohen përtej kapacitetit të tyre.
- Burgu Mendoza, Argjentinë
Si fillim problematika e parë e këtij burgi është fakti se ka një kapacitet prej 600 të burgosurish por në realitet mban 1600 të dënuar. Ata torturohen rregullisht dhe nuk kanë as tualete e as krevate për të fjetur.
- Burgu Qendror i Bang Kwang, Tailandë
Të dënuarit torturohen aq shumë sa në fund ose humbasin jetën ose mendjen. Vetëm një vakt në ditë është falas ndërsa pjesa tjetër e ushqimeve duhet të blihet me para në dorë si dhe të burgosurit e varfër duhet të punojnë për ata më të pasur.
- Ishulli Rikers, SHBA
Ky burg njihet për egërsinë dhe torturat sistematike nga personeli dhe stafi mbi të dënuarit të cilët në 77% të rasteve diagnostikohen me probleme mendore.
- Diyarbakir, Turqi
Në këtë burg mbizotërojnë trajtimet jo njerëzore si dhe abuzim i theksuar i të drejtave të njeriut. Shumë nga të dënuarit përfundojnë duke vrarë veten nga mungesa ushqimit, dhunës dhe mbipopullimi.
- Burgu i Tadmor palmyra, Siri
Specifika kryesore e këtij burgu është dehumanizimi i të dënuarve të cilët janë tërësisht të shkëputur nga bota sikurse edhe të izoluar plotësisht nga njëri tjetri. Në qershor 1980, Presidenti Hafez-al-Assad u dha urdhër ushtarëve që të “vrisnin çdo të burgosur” si përgjigje ndaj një sulmi ndaj jetës së tij. Numri i saktë i atyre të masakruarve mbetet i paqartë deri më sot, por mendohet të kalojë 1000, të gjithë anëtarë të vëllazërisë myslimane.
- Burgu Gitarama, Ruanda
Ky burg njihet si nga me të rrezikshmit në botë pasi në ambientin me kapacitet për 600 persona ndodhen rreth 6000-7000 të dënuar si pasojë e të cilit 7-8 të burgosur humbin jetën çdo ditë.
- Kampi i përqendrimit Hoeryong, Koreja Veriut
Ai është një nga burgjet më brutale si pasojë e shkeljes së theksuar të të drejtave të njeriut, abuzimeve sadiste dhe eksperimenteve njerëzore. Mbi 1500-1600 të dënuar thuhet se kanë humbur jetën çdo vit.
- Burgu La Sabaneta, Venezuela
Shtëpia e 3,700 të burgosurve, u ndërtua për të zënë 700 të burgosur që nga viti 2013, vit në të cilin edhe u mbyll. Nga ky numër, rreth 192 prej tyre ishin fëmijë të të burgosurve. Burgu drejtohej nga vetë të burgosurit, duke ndjekur trendin e 80% të burgjeve venezueliane të cilat drejtohen nga të burgosurit e tyre.
- ADX, Kolorado
ADX Firence strehon të burgosur meshkuj në sistemin federal të burgjeve që konsiderohen më të rrezikshmit dhe kanë nevojë për kontroll më të rreptë, përfshirë të burgosurit, arratisja e të cilëve do të përbënte një kërcënim serioz për sigurinë kombëtare. Deri në shtator 2021, ka 338 të burgosur të mbyllur 23 orë në ditë në qelitë e vetme me pajisje të bëra prej betoni të përforcuara për të parandaluar dëmtimin e vetes dhe janë nën mbikëqyrje 24-orëshe.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.