Cilët janë 3 sektorët ku biznesmenët amerikanë duan të investojnë në Shqipëri?(Video)
Presidenti i Dhomës Amerikane të Tregtisë, Mark Crawford, duke folur për SCAN, ka treguar tre sektorët ku biznesmenët amerikanë duan të investojnë në Shqipëri. Sipas Crawford, turizmi, energjia dhe financa janë vendet ku duan të investojnë amerikanët. Edhe pse deri tani kemi përfshirje të këtij kapitali në Shqipëri, përsëri problemet nuk janë të pakta.
Pyetur nga gazetari Enio Civici, Crawford ka dënuar problemet në energji ku investitorët amerikanë janë përfshirë pak ose aspak në 15 vitet e fundit ndërkohë që ka vlerësuar maksimalisht sektorin financiar për thithjen e investimeve amerikane.
Me ristrukturimin e administratës qeveritare si dhe me buxhetin e ri për vitin 2018, sipas Crawford Dhoma Amerikane pret rregullim dhe përmirësim të ambientit të të bërit biznes në Shqipëri.
Intervistën e plotë e ndiqni sonte ora 21:00 në TV SCAN…
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.