Cilët janë vendet që do të aplikojnë dozën e tretë të vaksinës?

Në kontekstin e një varianti Delta që nuk frenohet, disa vende tashmë po mendojnë që të aplikojnë dozën e tretë të vaksinës. Pas Izraelit që është bërë vendi i parë në botë që ndërmerr këtë hap që prej 1 gushtit, edhe Gjermania është futur në këtë rrugë.

Nga shtatori, Gjermania do të propozojë një vaksinim me dozë të tretë për kategoritë më të rrezikuara. Edhe Mbretëria e Bashkuar po studion një plan për të aplikuar një dozë të tretë duke nisur nga muaji i ardhshëm. Në Itali, shkencëtarët janë të ndarë për këtë çështje. Vendimi pritet të merret deri në fund të këtij muaji.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.