Cili është plani europian për të kapërcyer diferencën digjitale prej 190 milionë dollarësh me SHBA dhe Kinën?!
Dokumenti që Komisioni Europian do të paraqiste për të komunikuar planet e tij për të ardhmen e një Europe gjithnjë e më digjitale pritej të dorëzohej më 19 shkurt. Por, siç ndodh shpesh në këto raste, dikush e publikoi atë për mediat më herët sesa pritej.
Dokumenti, botuar nga Euractiv dhe me titull ‘Europa e përshtatshme për epokën digjitale: Drejt një shoqërie digjitale me të vërtetë europiane’, është një parashikim i strategjisë që Komisioni, i përfaqësuar nga Zëvendës-Presidentja daneze, Margrethe Vestager, synon të miratojë në pesë vitet e ardhshme për të siguruar që Kontinenti i Vjetër mos të qëndrojë pas Shteteve të Bashkuara dhe Kinës, në garën teknologjike.
Sipas Komisionit, tejkalimi i hendekut të vlerësuar prej 190 miliardë eurosh do të çonte në një rritje të produktit të brendshëm bruto europian prej 1.1% nëse bëhet deri në vitin 2025, dhe prej 3.2% nëse parashikohet deri në vitin 2022. Në një duzinë faqesh, dokumenti programatik prek tema të ndryshme të nxehta siç janë privatësia e të dhënave personale dhe nevoja kontekstuale për të shkëmbyer të dhëna midis publikut dhe privatit për mirëqenien e përbashkët; nevoja për rregulla të reja mbi konkurrencën e teknologjisë, nevoja për të kapërcyer hendekun e aftësive digjitale; si dhe taksën digjitale dhe ndikimin mjedisor të përdorimit të këtyre teknologjive.
Duke pasur parasysh numrin e madh të qytetarëve që përdorin internetin çdo ditë për të bërë blerje në internet (69% në 2018) ose për të dëgjuar muzikë, parë video dhe të lexojnë lajme (80%), ajo që duket e nevojshme është që Europa të kthehet në garë sa më shpejt të jetë e mundur për t’u bërë një furnizues i këtyre përmbajtjeve dhe infrastrukturave të nevojshme për përdorimin e tyre. Për momentin, në fakt, të dhënat tona personale gjithnjë e më shumë po udhëtojnë përtej kufijve të BE-së dhe së shpejti falë rrjetit 5G kjo dtë zhvillohet akoma dhe më shumë. Është e qartë se mungesa e furnizuesve konkurrues europian e vendos Europën në qendër të loje shahu, ku loja megjithatë luhet nga SHBA dhe Kina. Tregu i cloud dominohet nga Shtetet e Bashkuara me shërbimet e ofruara nga Google, Microsoft dhe Amazon, ndërsa e ardhmja e 5G është në duart e Huawei kineze.
Vizioni i Komisionit është të krijojë një Europë digjitale të udhëhequr nga vlerat e respektimit të privatësisë, nevoja për transparencë, ku askush nuk mbetet pas, qoftë ai i qytetarëve / përdoruesve apo ai i SME-ve që janë shtylla kurrizore e ekonomisë sonë.
Për Komisionin, BE-ja do të duhet të udhëzojë komunitetin ndërkombëtar drejt miratimit të standardeve të reja në teknologji të reja të tilla si blockchain, informatikë me performancë të lartë, llogaritjet kuantike, algoritmet e inteligjencës artificiale për të lehtësuar shkëmbimin dhe përdorimin e të dhënave për përfitim të përbashkët. Plani është padyshim ambicioz dhe, duke pasur parasysh interesat në fjalë, është e sigurt që Brukseli do të jetë një’ shesh lojërash’ shumë i nxehtë në pesë vitet e ardhshme. (WIRED)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.