Cili është qarku më ‘i kujdesshëm’? INSTAT: Nuk zë as 1 % të numrit total të aksidenteve për periudhën Janar – Maj 2019!
Qarku i Dibrës në periudhën Janar – Maj 2019 ka shënuar vetëm pesë aksidente. Sigurisht, asnjë aksident nuk përbën lajm të mirë, por ky qark nuk zë as 1 % të numrit total të aksidenteve.
Referuar INSTAT, në pesëmujorin e parë të vitit 2019 janë shënuar 583 aksidente rrugore në Shqipëri, prej të cilave qarku i Dibrës numëron pesë.
Nga ana tjetër, në muajin Maj, në këtë qark ka pasur zero aksidente rrugore, njësoj sikurse në qarkun e Shkodrës.
Ky i fundit, përsa i përket periudhës Janar – Maj 2019, renditet si qarku i dytë me numrin më të ulët të aksidenteve, duke zënë 1.5 % të aksidenteve totale rrugore.
INSTAT tregon se në pesë muaj, në Qarkun e Shkodrës ka pasur 9 aksidente rrugore. Nga ana tjetër, Qarku me numrin më të lartë të aksidenteve, për shkak të popullaritetit dhe jo vetëm, është ai i Tiranës, me 264 aksidente rrugore në periudhën Janar – Maj 2019.
Sipas INSTAT, këto te fundit zënë rreth 45 % të totalit të aksidenteve rrugore të numëruara në këtë periudhë.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.