Cili është qyteti italian ku shkalla e vaksinimit kundër Covid arriti në 104%?!
Ndërsa qeveritë europiane peshojnë mandate dhe masa të reja për të nxitur vaksinimin nga Covid, në shpatet e Monte delle Rose të Siçilisë ndodhet një fshat me një shkallë vaksinimi që sfidon matematikën: 104%.
Shifra është pjesërisht një çuditshmëri statistikore – normat e vaksinave llogariten nga autoritetet shëndetësore italiane për popullsinë zyrtare të një qyteti ose fshati dhe teorikisht mund të rriten mbi 100% nëse mjaft jorezidentë e marrin dozën atje – por Palazzo Adriano është me çdo standard një komunitet i vaksinuar mirë. Një pjesë e mirë e popullsisë tashmë ka marrë ose rezervuar një dozë të tretë dhe që kur vaksinat ishin në dispozicion për herë të parë, ajo përdori marrëdhëniet e saj të ngushta për të mbrojtur njerëzit e saj.
“Duket si një statistikë e pamundur,” tha me krenari kryetari i bashkisë, Nicolò Granà. “Por, në fakt, në Palazzo Adriano janë vaksinuar edhe ata banorë që jetojnë në qytetin tonë, edhe pse nuk janë banorë zyrtarë dhe persona të tjerë që jetojnë në fshatrat fqinje”.
Me një popullsi prej 2,100 banorësh, Palazzo Adriano është një nga më shumë se 5,500 fshatrat italianë me më pak se 5,000 banorë. Shumica janë prekur rëndë nga të rinjtë që largohen për të kërkuar punë në vende të tjera apo qytete të mëdha dhe kanë një moshë mesatare mbi 60 vjeç.
Nëse Covid do të përhapej në këto popullsi, këto fshatra do të rrezikonin të fshiheshin nga harta. Aty ku kishte shqetësime për vaksinën, fshati ngriti një grup ËhatsApp prej qindra banorësh për t’i diskutuar ato.
Ka shumë fshatra të vegjël në Itali që kanë arritur shkallën e vaksinimit afër 100%. Në Brinzio në rajonin verior të Lombardisë, gati 97% e 789 banorëve të tij janë të vaksinuar. Në Premana, në provincën e Lecco-s, 100% e 2000 banorëve të saj janë të vaksinuar.
Në sheshin kryesor të Palazzo Adriano-s, ku uji i ëmbël rrjedh drejtpërdrejt nga një burim malor në një shatërvan të vjetër uji, të moshuarit ecin, luajnë letra, pinë një ekspres, ndërsa të rinjtë bisedojnë në bar. TheGuardian
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.