Citi për fitoren e Le Pen: Do të rikthejë krizën e borxhit dhe shpërbërjen e euros

Sipas grupit bankar amerikan, Citi, fitorja e kandidates Marine Le Pen në Francë do të shkaktonte një trazirë në sektorin e korporatave atje, ndërkohë që firmat përgatiten për daljen e mundshme nga Bashkimi Europian. Sipas bankës, kjo do të shkaktonte një rritje të pasigurisë, një ndalesë në shpenzimet kapitale (capex) dhe në punësim.

Citi parashikon një shans prej 20% që Le Pen të fitojë. Megjithatë, parashikimi nuk është shumë larg me atë që i dha Presidentit Donald Trump përpara zgjedhjeve. Citi i dha 30% shans presidentit amerikan përpara Nëntorit, por shifrat ndryshuan ndërsa gara filloi të ashpërsohej.

Sipas bankës, Le Pen do të sillte një rikthim të krizës së borxhit në Eurozonë dhe një tkurrje të Produktit të Brendshëm Bruto të Francës. Nëse euro humbet një nga anëtarët më të mëdhenj dhe një nga vendet themeluese, do të ketë më shumë pasoja se Brexit, thekson Citi. Banka nënvizon edhe rrezikun e përfundimit të euros, pasi vendet kryesore do të refuzonin ndalimin e atyre në periferi.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.