Çmimet botërore të ushqimeve, më të lira / FAO: Hera e parë në 1 vit. Kryesojnë drithërat, vajrat dhe qumështi

Çmimet botërore të Ushqimit kanë rënë në Qershor për të parën herë në 12 muaj, prej rënieve në vajrat vegjetalë, drithërat dhe produkte të qumështit, sipas agjencisë së ushqimit të Organizatës së Kombeve të Bashkuara.  Agjencia me seli në romë deklaroi se të korrat botërore të drithërave do të rezultojnë në 2.817 miliardë ton në vitin 2021, në rnë të lehtë nga vlerësimi fillestar, por në kurs për të arritur një rekord vjetor.  Indeksi i çmimit të ushqimeve i Organizatës, që mat ndryshimet mujore për një shportë të drithërave, vajrave, produkteve të qumështit, mishit dhe sheqerit, arriti në një mesatare prej 124.6 pikë, në rënie nga 127.8 pikë në Maj.  Me bazë vjetore, çmimet për Qershorin u rritën me 33.9%.  Indeksi i çmimit të vajrave vegjetalë ra me 9.8% në Qershor, pjesërisht prej rënies së çmimeve të vajit të palmës, që pësoi goditje nga rritja e prodhimit në vendet kryesore dhe mungesës së kërkesës për importe. Vaji i Sojës dhe lulediellit ra gjithashtu në vlerë.  Indeksi i çmimit të drithërave ra me 2.6% me bazë mujore, por është ende në rritje me 33.8% nga viti i kaluar.  Çmimi i produkteve të qumështit ra me 1% nga muaji Maj, me të gjithë përbërësit e indeksit që janë zbutur.   Indeksi i sheqerit u rrit me 0.9% në nivelin më të lartë që prej Marsit 2017, prej motit jo të favorshëm në Brazil.  Indeksi i mishit u rrit me 2.1% në Qershor, me të gjithë tipet e mishit që janë rritur, ndërkohë që kërkesa nga disa vende në Azinë Lindore, kompensoi për rënien e blerjeve kineze.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.