Çmimet e shtëpive më të lartat në 13 vitet e fundit – Qyteti përballet me rrezikun e “flluskës” së pasurive të paluajtshme
Toronto është qyteti me riskun më të lartë global për të qenë në një flluskë të pasurive të paluajtshme, duke tejkaluar kështu edhe New Yorkun e shtrenjtë, Londrën dhe Hong Kongun.
Është hera e parë që qyteti më i populluar i Kanadasë kryeson renditjen vjetore të 20 qyteteve kryesore.
Studiuesit e UBS thanë se çmimet e shtëpive në Toronto janë dyfishuar këto 13 vitet e fundit, ndërkohë që qiratë janë rritur me vetëm 5 për qind gjatë të njëjtës periudhë.
Rritjet e çmimit të shtëpive kanë tejkaluar pagat dhe bankat përcjellin rrezikun e flluskës së pasurive të paluajtshme duke krahasuar çmimet dhe të ardhurat me qiratë, çmimet e shtëpive dhe nivelet e ndërtimit në rang lokal dhe kombëtar.
Studiuesit gjithashtu thanë se rritja e shpejtë e çmimit të pronave në qytetet e mëdha globale po ushqehet nga tre faktorë kryesorë.
1.Normat e ulëta të interesit, të cilat e bëjnë më të thjeshtë blerjen e një shtëpie.
2.Ndërtimi i cili nuk ndjek dot të njëjtin ritëm me kërkesën
3.Një rritje e numrit të familjeve të pasura të cilat kërkojnë strehim në qendër
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.