Çmimi ‘Nobel’ i Mjekësisë Kërkimore i atribuohet Picës – “Nëse është italiane, mbron nga sëmundjet dhe nga vdekja”
Italia fiton çmimin Ig Nobel 2019 të Mjekësisë për “sigurimin e provave që pica mund të mbrojë kundër sëmundjeve dhe vdekjes, me kusht që ajo të prodhohet dhe të hahet në Itali”, thotë motivimi për çmimin që revista ‘Annals of Improbable Research’ dhe Universiteti i Harvardit i kanë kushtuar hulumtimeve që “i bëjnë njerëzit të qeshin, por edhe të reflektojnë”.
Inaguruar nga një hedhje aeroplanësh letre, ceremonia e organizuar në Teatrin Sanders të Universitetit të Harvardit menjëherë filloi me ndarjen e çmimit Ig Nobel për Mjekësi, kërkimeve italiane. “Një pica e mirë përfshin të gjitha virtytet e dietës Mesdhetare,” tha Silvano Gallus, gjatë marrjes së çmimit.
Në minutën që çdo studiues ka në dispozicion të paraqesë rezultatet e tij dhe arsyet e hulumtimit të picave, Gallus shpjegoi se pica mund të mbrojë kundër infarktit të miokardit dhe disa formave të kancerit. Sidoqoftë, shtoi ai, përbërësit duhet të jenë tipikë mesdhetarë dhe jo të ngjashme apo nga vende të tjera. (HP)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.