CoronaVac, për fëmijët 6 vjeç e sipër – Rregullatorët në Kili miratojnë vaksinën kineze të Sinovac

Rregullatori shëndetësor i Kilit ka miratuar vaksinën e Covid-19 të prodhuar nga firma kineze Sinovac, për fëmijët mbi 6 –vjeç, duke lejuar më shumë njerëz që të përfshihen në fushatën e shpejtë të imunizimit. Vendi i Amerikës Jugore, kishte miratuar më parë përdorimin e vaksinës së Pfizer me BionTech për ëmijët mbi 12 vjeç, me mbi 654 mijë që kanë marrë të paktën 1 dozë që prej muajit Maj.  Megjithatë, CoronaVac e Sinovac, është “shtylla kurrizore” e fushatës së vaksinimit të Kilit, me mbi 13 milionë nga popullsia prej 19 milionë banorë, që është vaksinuar plotësisht.

“Kjo përbën një lajm të mirë për  fëmijët në moshë shkolle dhe ata që nuk ishin përfshirë në planet e mëparshme të vaksinimit”- tha ministri i Shëndetësisë, Enrique Paris.  Pesë prej ekspertëve në panelin e vlerësimit të mbledhur nga Instituti i Shëndetit Publik, votuan në favor të administrimit të vaksinës tek fëmijët mbi 6-vjeç, 2 votuan vetëm për fëmijët në moshë 12-vjeç e sipër dhe vetëm 1 ishte kundër dhënies së vaksinës tek fëmijët.  CoronaVac ka gjithashtu miratim të përdorimit emergjent për fëmijët në Indonezi dhe Kinë.   Kili ka patur në javët e fundit një rënie të dukshme të infeksioneve, me vetëm 435 raste të reja në 24 orët e fundit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.