Coronavirusi: Kina lëshon thirrje ‘urgjente’ për pajisje mjekësore mbrojtëse
Qeveria kineze është shprehur se situata me koronavirusin ka qenë nën kontroll përsa i përket pajisjeve por tani është shprehur se i duhet ndihmë më pajisje mjekësore mbrojtëse.
“Ajo që Kina ka nevojë urgjente për momentin janë maska mjekësore, kostume mbrojtëse dhe syze mbrojtëse,” tha zëdhënësi i ministrisë së jashtme Hua Chunying në një konferencë shtypi.
Fabrikat e Kinës mund të prodhojnë 20 milion maska në ditë, por paniku mbi virusin ka bërë që njerëzit në një vend me 1.4 miliardë banorë të pajisen me maska kirurgjikale, ndërsa personeli mjekësor i vijës së përparme ka raportuar mungesa të pajisjeve.
Ministria e jashtme e Kinës tha se vendet përfshirë Korenë e Jugut, Japoninë, Kazakistanin dhe Hungarinë kanë dhuruar pajisje mjekësore.
Autoritetet po ndërmarrin hapa për të sjellë maska nga Europa, Japonia dhe SHBA-ja, duke shtuar se furnizimi dhe kërkesa në Kinë mbeti në “ekuilibër të ngushtë” pasi fabrikat u kthyen në prodhim pas pushimeve nga Viti i Ri Lunar .
Disa provinca dhe qytete të tjera në të gjithë Kinën e kanë bërë të detyrueshëm të veshin maska në publik, ndërsa frika nga virusi është rritur. (The Guardian)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.