Coronavirusi nuk kursen miliarderët – Njerëzit më të pasur në botë humbasin 139 miliard dollarë në ditë

Rënia e tregjeve për shkak të koronavirusit uli ndjeshëm pasurinë totale të 500 njerëzve më të pasur në botë. Ata humbën 139 miliardë dollarë në ditë, raporton Bloomberg. Dhe kjo është goditja më e rëndë që nga fillimi i statistikave.

Bernard Arnault, CEO i Louis Vuitton, Moet, Hennessy, dhe CEO i Amazon, Jeff Bezos humbën gati 5 miliardë dollarë secili. Pasuria e pronarit të zinxhirit spanjoll me pakicë Zara, Amancio Ortega, u ul me 4 miliardë, dhe kreu i Facebook, Mark Zuckerberg me gati 3.5 miliardë.

Nga miliarderët rusë, presidenti i LUKOIL, Vagit Alekperov humbi më shumë më gati 1.15 miliard, kreu i NOVATEK, Leonid Mikhelson humbi 692 milion dollarë, dhe nënkryetari i LUKOIL, Leonid Fedun humbi 508 milion dollarë.

Sipas raportimeve, tregu amerikan i aksioneve përjetoi një nga rëniet më të këqija në histori. Gjatë ditës, indekset kryesore patën një rënie me më shumë se 3.5%, ndërsa aksionet e gjigandëve të tillë si Google, Apple, Microsoft dhe Amazon ranë me gati 5%. ( newsobservatory )

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.