Corriere della Sera: “Tërmeti në Shqipëri bën bashkë serbët dhe kosovarët”

”Tërmeti bën bashkë ish- armiqtë! Kështu e ka nisur artikullin prestigjiozja italiane “Corriere della Sera”. Në fakt, Corriere della Sera ka bërë raportime të vazhdueshme mbi situatën tragjike që po kalon Shqipëria, por nuk ka lenë pa theksuar bashkëpunimin e forcave të shqiptarëve të Kosovës, me ato të Serbisë.

“Që prej ditës së djeshme ekipet e shpëtimit të dërguara nga Prishtina, Beogradi, Tirana, Zagrebi dhe Shkupi janë kryqëzuar në bllokun e trafikut të shpëtimit, që është formuar gjatë 48 orëve të fundit përgjatë rrugëve të lagjeve të shqetësuara. Zjarrfikës, ushtarë, njësitë e qenve, ekipe me uniforma të shënuara me flamuj dikur tepër armiqësore, takohen në pikën e shpëtimit të të lënduarve. Ndoshta kjo nuk do t’i vëllazërojë, por  kanë bashkuar forcat me një qëllim të përbashkët ” shkruan Corriere della Sera.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.