“Corriere”: Trump fton Putin në Shtëpinë e Bardhë! Propozimi në telefonatën e 20 marsit, po nuk është caktuar datë!
Presidenti i Shteteve të Bashkuara të Amerikës Donald Trump i ka propozuar liderit të Kremlinit, Vladimir Putin që të takohen në Ëashington. Këtë e ka bërë të ditur këshilltari i presidentit rus Juri Ushakov në një komunikim me median, duke specifikuar që ftesa është bërë gjatë bashkëbisedimit telefonik mes Putin e Trump në 20 marsin e kaluar. Nuk është caktuar data e takimit dhe protokollet nuk kanë nisur ende përgatitjet, shkruan “Corriere”.
“Nëse gjithçka do të shkojë mirë, shpresoj se nuk do të ketë nga pala amerikane një ndryshim mendje lidhur me propozimin për të diskutuar mundësinë e një takimi. Trump ka propozuar që takimi i parë të mbahet në Shtëpinë e Bardhë kur presidentët tanë kanë komunikuar me telefon” tha Ushakov. Sipas funksionarit të Kremlinit, dëbimi i 60 diplomatëve rusë nga Shtetet e Bashkuara ka sjellë një ngrirje në marrëdhëniet dypaleshë Rusi-SHBA. “Uroj që rrethanat të na lejojnë të diskutojmë. Besojmë se do të jetë e rëndësihme dhe e nevojshme jo vetëm për vendet tona por edhe për komunitetin ndërkombëtar” ka shtuar Ushakov.
Trump e kishte telefonuar Putinin për ta uruar pas rizgjedhjes në detyrën e presidentit të Rusisë. Në javët pasuese, Shtetet e Bashkuara iu bashkuan dhjetarë vendeve perëndimore në lëvizjen për përjashtimin e diplomatëve rusë si reagim ndaj helmimit të ish agjentit Sergej Skripal në Mbretërinë e Bashkuar. Shumë parlamentarë republikane e kanë kritikuar telefonatën drejt liderit të Kremlinit. Trump është mbrojtur duke kujtuar se edhe ish presidenti Obama kishte vepruar njësoj në vitin 2012. Gjatë bashkëbisedimit nuk është folur për «Russiagate», hetimin lidhur me pretendimet e interferencës së Moskës në zgjedhjet presidenciale amerikane të 2016.
Pershtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.