Covid-19, Basha takim me gazetarët: “Shqetësim, mungesa e informacionit dhe kaosi në spitale”
Kreu i Partisë Demokratike Lulzim Basha ka zhvilluar një bashkëbisedim me gazetarët lidhur me situatën e rëndë të krijuar si pasojë e përhapjes së virusit covid-19. Basha u shpreh se opozita do vijoj të ushtroj presion ndaj qeverisë për marrjen e masave duke shtuar numrin e testimeve dhe nga ana tjetër të sensibilizoj qytetarët për respektimin e masave mbrojtëse
“Sensibilizimi që bëni ju si media është dhe detyrë e imja. Sensibilizimi i njerëzve, por edhe aq sa është i mundur kundrejt qeverisë për të marrë masa. Jam dakord me atë që thuhet është se situata është kjo, por ajo që bën diferencën është mënyra si qeveria e trajton situatën dhe ju e dini se që prej marsit ne nuk jemi mjaftuar me konstatimin e situatës, por i kemi vënë në dispozicion propozime edhe para 6 javësh kemi bërë të njëjtën gjë.”
Gazetarët shprehën shqëtësimin e tyre lidhur me ato cfarë përballen cdo ditë gjatë raportimeve dhe situatën e turbullt, pa informacion të krijuar në spitale.
“Ka qenë shumë pak transparenca çfarë ndodh brenda spitaleve është edhe më e pakët. Me burimet e mia them se mjekët po bëjnë maksimumin, por me burimet e mia them se mjekët po shkojnë përtej maksimumit dhe kur bënë shumë, siç thotë populli ‘ shumë e për lum. Mendoj se mungesa e transparencës ka lidhje me dy hallka, qofsha i gabuar. E para me mosmarrjen e përgjegjësive dhe e dyta për të dhënë një realitet fiktiv se jemi më mirë se vendet e rajonit dhe kur të bëhet rankimi i OBSH-së në fund Shqipëria të lëre pas Rumaninë dhe Bullgarinë, siç ndodhi rëndom para disa ditësh. ”
Basha vijon të përsëris masat e propozuara që sipas të cilit do të ndihmojnë në normalizimin e situatës e cila tashmë duket me e rënduar me një numër të infektuarish mbi 500 raste të reja në ditë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.