Covid-19 godet tregun e punës – Britania pëson humbjen më të madhe në punësim që prej 2009
Numri i personave të punësuar në Britani ra me 220,000 në tremujorin e dytë, që është shifra më e madhe që prej vitit 2009, ndërkohë që kriza e koronavirusit ka goditur të vetë punësuarit, sipas zyrës Kombëtare të Statistikave. Nurmi i personave të vetë-punësuar ra me një normë rekord, kryesisht prej punëtorëve të vjetër. Humbja e vendeve të punës pritet të rritet, pasi Britania të përfundojë skemën gjigante të mbrojtjes së punëtorëve.
Ministri i financave, Rishi Sunak, tha se shifrat tregojnë se programet e qeverisë po funksionojnë por humbjet në tregun e punës janë të pashmangshme. “Gjithnjë e kam pasur të qartë se nuk mund të mbrojnë çdo vend pune, por nëpërmjet planit tonë, ne kemi mbrojtur, mbështetur dhe krijuar punë për të siguruar se asnjë të mos mbetet mbrapa”,- tha ai.
Norma e papunësisë qëndroi papritmas në 3.9%, por kjo reflektoi një rritje tek njerëzit që kanë hequr dorë nga kërkimi për punë, e për rrjedhojë nuk konsiderohen si të papunë, sipas zyrës së Statistikave në Londër. Për më tepër, rreth 300,000 njerëz thanë në muajin Korrik se ishin të punësuar pavarësisht se nuk shkonin në punë dhe nuk merrnin pagë, çka ka mbajtur normën e papunësisë të ulët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.