Covid-19 godet turizmin në Spanjë. Rikthehen rritjet e rasteve dhe priten 60% më pak vizitorë se viti i kaluar
Spanja ka raportuar 483 raste të reja të koronavirusit në të gjithë vendin, ç’ka po pengon rimëkëmbjen e sektorit të turizmit, ndërkohë që masat e parandalimit të sëmundjes kufizojnë lëvizjen e grupeve të mëdha të njerëzve. Mbi 70% e rasteve të reja të valës së dytë, u shfaqën në Katalonja dhe Aragon, 2 komunitetet autonome në Spanjë që janë destinacione të njohura për turizëm.
Meritxell Budo, zëdhënës i qeverisë rajonale të Katalonjës, tha në të njëjtën ditë kur rajoni raportoi 1,367 raste të reja dhe 19 vdekje se nuk mendon se ka nevojë për masa të mëdha të karantinës. Statistikat e Institutit Spanjoll të Turizmit tregojnë se numri i turistëve të huaj që vizitojnë spanjën në vitin 2020, pritet të tkurret me mbi 60% krahasuar me vitin e kaluar.
Ministri i Shëndetësisë në Spanjë, Salvador Illa, tha gjatë fundjavës se vendi është aktualisht një destinacion i sigurtë i turistëve dhe se i mbështet masat e ndryshme të kufizimeve që janë ndërmarrë në rajonet e vendit për të parandaluar përhapjen e mëtejshme të epidemisë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.