COVID-19 në Shqipëri – Ministria e Shëndetësisë: Në 58 rastet e dyshuara nuk rezulton asnjë i prekur nga virusi
Gjatë komunikatës së sotme për mediat, Ministria e Shëndetësisë ka njoftuar se në 58 rastet e dyshuara për COVID-19 nuk ka rezultuar ende asnjë pacient i prekur nga virusi. Sipas njoftimit rastet e shqyrtuara kanë pasur të gjitha shenja me probleme respiratore dhe histori udhëtimi jashtë Shqipërisë.
Gjithashtu Ministria ka theksuar se janë zgjeruar llojet e rasteve të marra në shqyrtim edhe për të gjithë ata pacientë që kanë shenja të rënda respiratore apo probleme të tjera të frymëmarrjes e shëndetësore.
“Rastet e testuara janë të gjitha negative. Ekzaminimet janë kryer të gjitha pranë ISHP me mjetet e nevojshme dhe të posaçme. Kemi rritur numrin e mostrave që kemi marrë nga një pacient që të rrisim sigurinë e laboratorit në lidhje me testimet,” bën me dije Ministria.
Gjithashtu sipas MSH janë përmirësuar protokollet e menaxhimit klinik të rasteve, duke u mbështetur në të dhënat bashkëkohore. “Por sidoqoftë vazhdojmë të bëjmë thirrje t‘u të gjithëve të zbatojnë masat higjieno sanitare jo vetëm tani por edhe në vazhdimësi”, ka mbyllur komunikatën e saj MSH.
Posted by Ogerta Manastirliu on Saturday, March 7, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.