Covid-19 në Spanjë që në mars 2019? – Studiuesit e Universitetit të Barcelonës: Janë gjetur gjurmë të virusit në ujërat e zeza
Studiuesit në Universitetin e Barcelonës, një prej më prestigjiozëve në Spanjë, kanë zbuluar praninë e koronavirusit të ri në mostrat e ujerave të zeza që datojnë që prej 22 marsit të vitit të kaluar, deklaroi universiteti në një deklaratë për shtyp ditën e premte. “Këto rezultate të cilat janë publikuar në revistën mjekësore “medRxiv” sinjalizojnë se, infeksioni ka qenë prezent përpara se Covid-19 të njihej dhe të regjistrohej rasti i parë”-thuhet në deklaratën e universitetit.
Studimi është një bashkëpunim i studiuesve dhe kërkuesve të universitetit të Barcelonës si dhe ndërmarrjes publike të menaxhimit të ujerave të Barcelonës. “Pavarësisht se covid-19 është një sëmundje respiratore, studiuesit provuan se ka sasi të mëdha të gjenomit të virusit të ri që arrijnë deri të ujrat e zeza. Një situatë e tillë ka bërë që ujrat e zeza të jenë një mjet potencial për zbulimin e hershëm të virusit mes komuniteteve të caktuara”-thuhet më tej në deklaratë.
Më herët studiuesit kishin analizuar mostrat e ujerave të zeza gjatë muajve të fundit, duke zbuluar se virusi qarkullonte që prej janarit të këtij viti. Kjo gjë i shtyu ata të studionin mostrat e viteve 2018 dhe 2019, duke arritur në zbulimin surprizues. Mostrat e ujerave të zeza në qytetet e mëdha ruhen të ngrira për qëllime studimore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.