Covid-19, siguria në shkolla – Basha me gjimnazistët: Do investojmë për sigurinë dhe cilësinë në arsim
Kreu i Partisë Demokratike Luzim Basha në vijim të turit të takimeve me të rinjtë, bashkëbisedoi me një grup gjimnazistësh mbi problematikat e arsimit parauniversitar. Një ndër shqetësimet e ngritura nga të rinjtë ishte mungesa e sigurisë në shkolla gjatë periudhës së pandemisë .
Basha garantoi se me ardhjen në pushtet do të investohet për zbatimin e masave për ti kthyer shkollat në vende të sigurta si dhe rritjen e cilësisë duke garantuar një funksionim normal të sistemit arsimor
Me tej kreu demokrat u ndal edhe në arsimin profesional duke thënë se do të investohet për ta bërë atë tërheqës për të rinjtë.
Basha u ndal edhe në planin e PD për rritjen e ekonomisë duke renditur si një ndër prioritetet kryesore punësimin e rinisë.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.