COVID: BioNTech / Pfizer premton deri në 75 milion doza shtesë të vaksinave në Bashkimin Europian
BioNtech do të sigurojë deri në 75 milion doza më të vaksinave në BE në tremujorin e dytë të 2021, ka thënë zyrtari kryesor financiar Sierk Poetting.
Shefi i laboratorit gjerman njoftoi se do të përshpejtojë shpërndarjet e vaksinës së koronavirusit që zhvilloi me firmën amerikane Pfizer në bllok.
Të dy partnerët synojnë të “rrisin dërgesat nga java që fillon në 15 shkurt” dhe të sigurojnë “numrin e dozave për të cilat jemi zotuar në tremujorin e parë” si dhe “deri në 75 milion doza shtesë në Bashkimin Europian në tremujorin e dytë” nën kontratat ekzistuese, tha Poetting në një deklaratë.
Vendimi vjen ndërsa programi i vaksinave të BE-së është ngadalësuar nga mungesat e vaksinave – BioNTech-Pfizer, së bashku me një furnizues tjetër të vaksinave në EU27, AstraZeneca, të cilat kanë përjetuar të dy probleme në çështjet e prodhimit.
Shkalla e vaksinimit në bllok është shumë më poshtë sesa Britania fqinje, si dhe vende si Izraeli dhe SHBA-ja.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.