Covid/ Çfarë dimë për variantin e ri, Mu?!
OBSH e ka përfshirë kohët e fundit në listën e “varianteve të interesit” (variantet e interesit, VOI) të koronavirusit SARS-CoV-2: ne po flasim për variantin Mu (nga shkronja greke μ, pas lamba, λ ), u identifikua për herë të parë në Kolumbi në janar të këtij viti dhe që atëherë është përhapur në rreth 39 vende. Lajmi i mirë është se nuk e ka kapërcyer ende përhapjen e Delta (varianti Indian), i cili mbetet dominues në të gjithë botën: “nëse do të ishte vërtet i rrezikshëm, pas disa muajsh ne duhet ta kishim parë tashmë”, Paul Griffin Profesori i Mikrobiologjisë dhe Sëmundjeve Infektive në Universitetin e Queensland, në një artikull në The Conversation. Sidoqoftë, duhet të theksohet se studimet mbi këtë variant janë ende në vazhdim: kjo është ajo që dimë deri më tani.
Një variant interesi përcaktohet si një variant potencialisht i rrezikshëm, me mutacione që mund ta bëjnë virusin më rezistent ndaj vaksinave ose më ngjitës. Variante të tjera interesi janë Eta (e identifikuar për herë të parë në disa vende në Dhjetor 2020), Iota (SHBA, Nëntor 2020), Kappa (Indi, Tetor 2020) dhe Lambda (Peru, Dhjetor 2020). Nëse Mu do të bëhej më i rrezikshëm dhe do të fillonte të përhapet më shumë se variantet e tjera si Delta, atëherë mund të kalojë në klasifikimin e variantit tjetër të shqetësimit (VOC), kategoria në të cilën gjenden aktualisht variantet Alfa (MB, Shtator 2020), Beta (Afrika e Jugut, maj 2020), Gama (Brazil, Nëntor 2020) dhe Delta (Indi, Tetor 2020).
Shumica e vaksinave neutralizojnë koronavirusin duke synuar proteinën e pikut, të cilën SARS-CoV-2 e përdor për të hyrë në qelizat tona. Prandaj, mutacionet e mundshme në këtë proteinë mund të ulin efektivitetin e vaksinave: sipas studimeve të para, duket se Mu është të paktën pjesërisht rezistent ndaj antitrupave të prodhuar nga vaksina. Sidoqoftë, hulumtimi është kryer vetëm në laborator, kështu që ne nuk jemi ende të sigurt se varianti sillet në të njëjtën mënyrë tek popullata. Lajmi i mirë, megjithatë, është se të gjitha vaksinat ofrojnë mbrojtje të shkëlqyeshme kundër infeksionit simptomatik dhe formave të rënda të Covid të të gjitha varianteve të njohura që janë shfaqur deri më tani. (FOCUS)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.