‘Covidi afatgjatë’- Tre nga katër pacientë ende me të paktën një simptomë gjashtë muaj më vonë, thotë studimi kinez

Tre të katërtat e pacientëve me COVID-19 të ndjekur pasi kanë dalë nga spitali në Wuhan kishin më shumë se një simptomë gjashtë muaj më vonë, ka zbuluar një studim kinez.

Studimi i gati 2,000 pacientëve, i lëshuar javën e kaluar në The Lancet, po ndihmon në zbulimin e pasojave afatgjata të virusit që u shfaq për herë të parë në dhjetor 2019 dhe që prej asaj kohe ka udhëtuar në botë duke vrarë 1.9 milion.

Simptomat më të zakonshme gjashtë muaj pas shtrimit në spital ishin lodhja ose dobësia e muskujve dhe vështirësitë e gjumit, thanë autorët e studimit, me 76% të pacientëve të raportuar të paktën një simptomë në 6 muaj pas shfaqjes së simptomave në fillim.

Lodhja ose dobësia e muskujve u raportua në 63% të pacientëve ndërsa vështirësitë e gjumit u raportuan në 23% të pjesëmarrësve në studim. Ankthi ose depresioni u raportua në mesin e 23% të pacientëve të vlerësuar në studim.

Studimi përfshiu 1,733 pacientë nga Spitali Jin Yin-tan në Wuhan dhe përfundoi midis qershorit dhe shtatorit 2020.

Një total prej 2,469 pacientësh me COVID-19 u liruan nga ai spital midis 7 janarit dhe 29 majit 2020, por disa pacientë nuk u përfshinë.

Tridhjetë e tre pacientë nuk u përfshinë në studim sepse ata vdiqën pasi u lëshuan për shkak të “përkeqësimit të sëmundjes themelore të mushkërive, zemrës dhe veshkave”.

Tre pacientë zhvilluan goditje në tru dhe një pacient kishte një mpiksje gjaku në mushkëri.

Mosha mesatare e pjesëmarrësve në studim ishte 57 vjeç dhe komorbiditeti më i zakonshëm ishte hipertensioni i ndjekur nga diabeti dhe sëmundjet kardiovaskulare.

Studimi kinez zbuloi se ata që ishin më të sëmurë gjatë qëndrimit në spital kishin dëmtime më të rënda të mushkërive dhe “imazhe anormale të gjoksit”.

Shumë studiues janë shqetësuar për pasojat afatgjata të COVID-19, madje disa pacientë me raste më të lehta kanë deklaruar se kanë vuajtur simptoma të virusit edhe për muaj të tërë.

Një studim i kohëve të fundit nga Britania e Madhe dhe SHBA për pacientët që vuajnë nga simptomat afatgjata të COVID-19, i quajtur ‘Long Covid’ tha se shumica e pacientëve nuk ishin kthyer në nivelet e mëparshme të punës pas gjashtë muajsh dhe se shumë prej tyre ende nuk ishin shëruar shtatë muaj pas infektimit.

Në atë studim, i cili ende nuk është rishikuar nga kolegët dhe u botua në një server para-print, u regjistruan 205 simptoma në 10 sisteme organesh. Shtatëdhjetë e tetë përqind e të prekurve ishin gra dhe vetëm 8% ishin shtruar në spital. Rreth 96% e tyre raportuan simptoma që zgjasin më shumë se 90 ditë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.