Credins Bank, pranë familjeve në nevojë – Nisma “Food Bank”, ndihma në qytetin e Kavajës
Credins Bank vijon të qëndrojë pranë familjeve në nevojë në mbarë vendin nëpërmjet dhurimit të ndihmave ushqimore. Këtë herë, pakot ushqimore u shpërndanë në qytetin e Kavajës, në saj të nismës së ndërmarrë “Food Bank”, duke i rikthyer buzëqeshjen shumë familjeve të cilat jetojnë në kushte të vështira ekonomike.
Sipas Drejtorit të Degës Credins, Kavajë Albert Zoto, kjo nismë vjen në kuadër të përgjegjësisë sociale korporative që Banka Credins ka në objektivat e veta strategjike.
Banka Credins në mënyrë të vazhdueshme që nga themelimi i saj, ka qenë pranë shtresave në nevojë, direkt ose duke bashkëpunuar me institucione të ndryshme kombëtare dhe ndërkombëtare
Credins bank nëpërmjet nismës “Food Bank”do të jetë përgjatë çdo muaji pranë familjeve më në nevojë në të gjithë Shqipërinë duke i mbështetur me ndihma ushqimore. Kjo nismë vjen dhe në kuadër të objektivit 2 “zero uri” si pjesë e 17 objektivave të OKB. Credins Bank tashmë prej 18 vitesh në tregun bankar shqiptar, si një nga 2 bankat më të mëdha në vend, me shtrirje ne 57 degë dhe me mbi 950 punonjës, ka qenë gjithmonë në mbështetje për një zhvillim të qëndrueshëm të shoqërisë, për një ambient më të pastër dhe të shëndetshëm dhe për një ekonomi sa më të mirë duke mbështetur më shumë se 150 aktivitete të ndryshme përgjatë dy viteve të fundit.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.