Credins, në ndihmë të shtresave në nevojë – Nisma “Food Bank”, ndihma ushqimore në bashkinë Vorë
Credins Bank i gjendet pranë shtresave në nevojë nëpërmjet dhurimit të ndihmave ushqimore. Këtë herë, pakot ushqimore u shpërndanë në bashkinë e Vorës, në saj të nismës së ndërmarrë “Food Bank” duke mbeshtetur mjaft familje të cilat jetojnë në kushte të vështira ekonomike.
Sipas Drejtorit të Degës Credins, Vorë Astrit Ago, kjo nismë vjen në kuadër të përgjegjësisë sociale që Banka Credins ka në objektivat e veta për të mbështetur shtresat në nevojë .
Credins bank nëpërmjet nismës “Food Bank” vijon të jetë çdo muaji pranë familjeve më në nevojë në të gjithë Shqipërinë duke i mbështetur me ndihma ushqimore. Kjo nismë vjen dhe në kuadër të objektivit 2 “zero uri” si pjesë e 17 objektivave të OKB. Credins Bank, tashmë prej 18 vitesh në tregun bankar shqiptar, si një nga 2 bankat më të mëdha në vend, me shtrirje ne 57 degë dhe me mbi 950 punonjës, ka qënë gjithmonë në mbështetje për një zhvillim të qëndrueshëm të shoqërisë, për një ambient më të pastër dhe të shëndetshëm dhe për një ekonomi sa më të mirë duke mbështetur vetëm në dy vitet e fundit mbi 150 aktivitete të ndryshme .
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.