“Credins tek Ju” në zona turistike – ‘Banka Lëvizëse’ ndalon një muaj në Shëngjin

Banka lëvizëse, shërbimi me i ri dhe inovativ i Credins kësaj here është ndalur në Shëngjin. Përgjatë një muaji, banorë dhe turistë do të kenë mundësinë të përfitojnë shërbimet bankare e më pas shërbimin bankomat 24 orë.

Stafi i dedikuar i Credins, përveç shërbimeve bankare qe do ofrohen me kushte preferenciale, do të japë edhe konsulencë për të gjithë të interesuarit.

Pas periudhës një mujore, të cilën Credins do t’ia dedikojë Shëngjinit, Banka Lëvizëse do të vazhdojë rrugëtimin pa ndalesë.

Destinacioni i radhës është në Jug të Shqipërisë, ku po ashtu, Banka Lëvizëse do të qëndrojë një muaj.

Ky shërbim erdhi si nevojë për të çuar bankën në zonat rurale ku shërbimet bankare mungojnë ose janë të cunguara.

Përveç kontributit të dhënë në zona turistike, misioni kryesor i iniciativës “Credins tek Ju” është mbështetja e agrobiznesit dhe fermerëve.

Banka lëvizëse  është përqafuar dhe mirëpritur në të gjitha ndalesat e bëra. Rrugëtimet e deri më tanishme kanë qenë në Roskovec, Korçë, Fishtë dhe Lalëz.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.