Çuçi: Rifillon sot operacioni ‘Bregdeti Ynë’. Si fillim do të shemben dy objekte në Dhërmi e më pas në të gjithë vendin
Ministri i Brendshëm, Bledi Çuçi njofton se rifillon sot operacioni “Bregdeti Ynë” për shembjen e objekteve pa leje apo në tejkalim flagrant të lejes së ndërtimit.
Çuçi bën me dije se ndërprerja ishte e përkohshme për të mos penguar sezonin turistik dhe se si fillim do të shemben dy objekte në Dhërmi për të vijuar më pas në të gjithë vijën bregdetare dhe në çdo zonë tjetër të Shqipërisë ku është ndërtuar pa leje.
“E kam thënë edhe më herët dhe po e përsëris, ky nuk është thjesht dhe vetëm një aksion, por një punë e vazhdueshme e IKMT-së dhe Policisë së Shtetit për kontrollin e çdo metër katror të territorit. Gjej shesh të lirë, zapto e ndërto pa leje, të mos e mendojë më askush”, shkruhet në njoftim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.