Dalin në shitje qindra materiale të Kantierit të Riparimit të Anijeve në Vlorë – Ankandi do të mbahet më 1 prill
Qindra objekte të Kantierit të Ndërtimit dhe Riparimit të Anijeve Pashaliman në Vlorë janë nxjerrë në shitje. Ankandi për shitjen e këtyre materialeve që nuk i duhen ndërmarrjes për aktivitetin e riparimit të anijeve për shkak të zvogëlimit të aktivitetit të saj do të mbahet më datë 1 prill 2019 në orën 10:00. Vlera fillestare e tyre përllogaritet 35 526 545 lekë, ndërsa ankandi do të zhvillohet KNRA Pashaliman.
Subjektet e interesuara duhet të paraqesin disa dokumente për të marrë pjesë, të cilat përfshijnë: kërkesë me shkrim për pjesëmarrje; sigurimin e ofertës për shumën dhe vlefshmërinë e kërkuar në dokumentet standarde të ankandit prej 2% ose në vlerën 710.531 lek si dhe dokumentin që vërteton pagesën prej 2% të vlerës fillestare.
Ndërkohë, më datë 25 mars në orën 11 autoriteti shitës do të organizojë një takim me subjektet e interesuara që kanë tërhequr dokumentin e ankandit për të marrë informacione të detajuara dhe për të njohur më gjerësisht materialet e vëna në shitje.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.