Dalja e Katarit nga OPEC – Ekspertët theksojnë pakënaqësitë me Arabinë Saudite

Katari doli nga Organizata e Vendeve Eksportuese të Naftës (OPEC) për të treguar pakënaqësitë ndaj Arabisë Saudite, sipas ekspertëve të vendit.

Katari doli zyrtarisht nga Organizata më datë 1 Janar, duke lajmëruar në mënyrë zyrtare se do të përqendrohet në prodhimin e gazit natyror.

Megjithatë, sipas hulumtuesit të Qendrës së Studimeve Aljazzera, Haëas Tagia, ka pasur këndvështrime të ndryshme në lidhje me këtë çështje.

Në Qershor 2017, Arabia Saudite, Emiratet e Bashkuara, Bahreini, Egjipti, Maldivet, Mauritania, Senegali, Djibouti, Jordania, Libia dhe Yemeni, prishën lidhjet diplomatike me Katarin dhe ndaluan avionët dhe aniet e vendit që të hynin në hapësirat e tyre ajrore dhe detare.

“Katari nuk e kalon dot lehtë bllokadën si ç’bënte më parë dhe rrethit vendimmarrës të vendit nuk i intereson më. Katari ka zbuluar se është më e thjeshtë që të veprojë vetëm se sa të lidhet me shtete të tjera”, Hawas Tagia.

Në vitet e shkuara, Qeveria e SHBA ka shprehur në mënyrë të vazhdueshme pakënaqësitë ndaj OPEC dhe disa kongresmenë demokratë po përpiqen të krijojnë një Akt të Kartelit të Vendeve jo Prodhuese dhe Eksportuese të Naftës (NOPEC).

Nëse ligji kalohet nga Kongresi, Departamenti i Drejtësisë mund të padisë vendet e OPEC në gjykatat amerikane për manipulimin e çmimit të naftës. Kjo qasje nga Shtetet e Bashkuara ka qenë një tjetër arsye se pse Katari doli nga OPEC.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.