Dalja në treg e “Spotify” – Zgjedh listimin direkt në vend të “IPO”, çmimi referencë në $132
Bursa e New Yorkut (NYSE) vendosi një çmim referencë në 132 dollarë për aksionet e firmës suedeze të shpërndarjes së muzikës, Spotify. Kompania po ndjek një listim direkt të pazakonte drejt tregjeve publik, në vend të një oferte publike fillestare, dhe aksionet pritet të nisin tregtinë këtë javë.
Nëpërmjet ofertës publike direkte (DLP), firmat shesin aksionet në mënyrë direkte te publiku pa ndihmën e ndonjë ndërmjetësi apo nënshkruesi. Çmimi referencë nuk është çmimi në të cilin aksionet e kompanisë suedeze të teknologjisë do të nisin tregtinë.
Çmimi i daljes në publik do të përcaktohet nga porositë për blerje dhe shitje të mbledhura nga bursa e New Yorkut nëpërmjet firmave ndërmjetëse. Megjithatë, çmimi referencë do të ketë rëndësi në arritjen e kësaj përputhjeje të porosive.
Edhe pse Spotify nuk ka punësuar firma nënshkruese, gjë që kursen miliona dollarë në tarifa, kompania ka caktuar Citadel Securities si krijues tregu, që të caktojë çmimin e daljes në treg, në bursën e New Yorkut. Roli i kësaj do të jetë i limituar, megjithatë çmimi referencë do të përdoret për të ndërtuar librin e porosive (buy-sell).
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.