Danimarka ndalon hyrjen e refugjatëve – Pezullon për këtë vit kuotat e Kombeve të Bashkuara

Danimarka nuk do të pranojë më refugjatë për këtë vit, që hyjnë drejt vendit nën programin e Kombeve të Bashkuara dhe do të kërkojë fleksibilitet për të caktuar numrin e personave që do të strehohen në të ardhmen, në vend të një kuote fikse, deklaroi Ministria e Emigracionit dhe Integrimit.

Që prej vitit 1989, Danimarka ka pranuar 500 refugjatë në vit, të zgjedhur në programin e Kombeve të Bashkuara.

Programi është i ndarë nga përpjekjet e Bashkimit Europian për të shpërndarë emigrantët në vendet anëtare, që është përballur me kundërshti nga vende përfshirë Hungarinë.

“Është e vështirë të parashikosh se sa refugjatë që kërkojnë azil do të shfaqen në kufij dhe ne e dimë që mund të jetë e vështirë për t’i integruar”, tha Ministri danez i Emigracionit dhe Integrimit, Inger Stojberg.

Sipas tij, do të ishte më i përshtatshëm një regjim fleksibël i kuotave, në mënyrë që vendi të jetë i përgatitur, por jo i detyruar, për të pranuar një numër të caktuar të emigrantëve çdo vit.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.