Danimarka planifikon të marrë me qira 300 qeli burgu në Kosovë për të lehtësuar mbipopullimin!
Danimarka planifikon të marrë me qira 300 qeli burgu në Kosovë për të akomoduar të burgosurit në fund të dënimit të tyre. Qelitë do të përdoren për të burgosurit e huaj që do të dëbohen pas dënimit të tyre, njoftoi Ministria e Drejtësisë.
Qeveria daneze prezantoi planin e ri në një përpjekje për të frenuar mbipopullimin e burgjeve. Projekti gjithashtu planifikon të rrisë kapacitetin e sistemit danez të burgjeve me 326 vende midis 2022 dhe 2025.
Vitin e kaluar, rreth 350 të burgosur në burgjet daneze do të deportoheshin në fund të dënimit të tyre. Popullsia e burgjeve të Danimarkës është rritur me 19% në më shumë se 4,000 të burgosur deri në fillim të vitit 2021. Sipas statistikave kombëtare, burgjet daneze janë tani në më shumë se 100% të kapacitetit të tyre.
Gjatë së njëjtës periudhë, numri i rojeve të burgjeve në vend ka rënë me 18%. Danimarka është e njohur për burgjet e saj të hapura që janë të rezervuara për të burgosurit që vuajnë dënime më pak se pesë vjet.
Ndërkohë, Kosova aktualisht ka 1,642 të burgosur me një kapacitet prej 97% — sipas Raportit Botëror të Burgjeve të Universitetit të Londrës. Norvegjia dhe Belgjika kanë marrë më parë me qira qeli burgu në Holandë.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.