Dashuria për akullin – Mbi 100 mijë vizitorë në festivalin e Koresë, në Kinë notojnë në -20 gradë
Festivali i peshkimit në akull në Korenë e Jugut, më i madhi në llojin e tij, ka mbledhur mbi 100 mijë vizitorë të cilët janë dyndur për të peshkuar për troftë në liqenin e ngrirë dhe me temperatura nën zero. Organizatorët e eventit gjigant deklarojnë se numërohen rreth 133 mijë vizitorë, si vendas ashtu edhe të huaj.
Ndër aktivitetet kyçe nuk është vetëm peshkimi por një sërë të tjerash. Kureshtarët ndërkohë janë të shumtë. Festivali në fjalë do të vazhdojë deri më 28 Janar, në qytetin Gangwon, 120 kilometra në veri të kryeqytetit të Seulit.
Edhe në Kinë ndërkohë akulli duket se krijon entuziazëm. Më shumë se 600 njerëz i janë bashkuar eventit të notit në liqenin e ngrirë. Ky eveniment është pjesë e festivalit vjetor të borës dhe akullit që hapi siparin të Premten dhe do të vazhdojë deri sa akulli të shkrijë, në mes të Shkurtit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.