Dasma mbretërore nxit konsumin – Shitjet me pakicë në Britani rriten ndjeshëm në muajin Maj

Shitjet me pakicë në Mbretërinë e Bashkuar janë rritur për të 2-in tremujor radhazi gjatë muajit Maj, duke tejkaluar ndjeshëm projeksionet ndërkohë që dasma mbretërore dhe moti i ngrohtë ka nxitur blerjet e konsumatorëve.

Kjo ka lënë pas ngadalësimin e konsumit në tremujorin e parë, që erdhi prej dimrit të ashpër.

Publikimi i të dhënave solli rritjen e vlerës së paundit, ndërkohë që investitorët i interpretuan si një shenjë që ekonomia po rimëkëmbet nga nisja e dobët e vitit.

Volumi i shitjeve me pakicë u rrit me 1.3% nga muaji i kaluar, pas një rritjeje me 1.8%, duke thyer projeksionet më optimiste.

Supermarketet dhe shitës të tjerë me pakicë bënë të ditur se blerësit kanë shpenzuar më shumë në ushqim dhe mallra të konsumit përpara dasmës së Princit Harry dhe Meghan Merkel në mes të muajit.

Sipas ekonomistëve, të dhënat do të minimizohen nga dobësimi në manifakturë dhe ndërtim gjatë muajit Prill, duke e bërë të vështirë arritjen e normës prej 0.4% të rritjes ekonomike që parashikon Banka e Anglisë për tremujorin e dytë.

Institucioni pret që konsumatorët të ndiejnë përfitimet e rënies së inflacionit dhe rritjes së pagave,  pas tkurrjes së fuqisë blerëse në vitin e kaluar kur Brexit rriti ndjeshëm çmimet.

Megjithatë, Banka nuk rriti normën bazë të interesit në Maj, ku kishte përgatitur investitorët, për t’u siguruar se ekonomia e Britanisë do të rimëkëmbet nga ngadalësimi i tremujorit të parë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.