Debate për pagesat e koncesioneve – Tabaku: 5 kontrata nuk ofrojnë shërbim. Ibrahimaj: Në 2022 paguajmë më pak!

Pagesat që bëhen nga qytetarët dhe buxheti i shtetit për kontratat koncesionare kanë ngjallur debate në Komisionin Parlamentar të Ekonomisë, teksa diskutoheshin shpenzimet për vitin 2022. Deputetja Demokrate Jorida Tabaku, u shpreh se për të paktën 5 kontrata nuk ofrohet shërbimi për të cilin paguajmë ndërkohë, që i gjithë risku bie mbi buxhet.

Ministrja e Financave, Delina Ibrahimaj është përgjigjur duke thënë se pagesat për koncesionet janë brenda kufirit të lejuar dhe se parashikohen në ulje në vitin 2022.  Megjithatë, relacioni që shoqëron buxhetin e shtetit tregon të kundërtën. Pagesat buxhetore për 13 kontratat aktive parashikohen në rritje të konsiderueshme për vitin e ardhshëm.

Komisioni ka ngritur si shqetësim edhe detyrimet e prapambetura si dhe borxhet e ndërmarrjeve të ujësjellës kanalizimeve. Mbledhja është ndërprerë në mënyrë të pa zakontë pa u konsumuar dëgjesa e plotë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.