Debati për masat ekonomike në Itali, deputeti i Forza Italia mbështet ish-ministrin e Financave: “Të karantinojmë burokracinë”
Një plan kombëtar i mbrojtjes dhe rindërtimit dhe lëshimi i letrave me vlerë publike shumë afatgjata, me kthime të moderuara, por të sigurta dhe fikse, për të përballuar pasojat që lidhen me Covid-19.
Kjo është receta e prezantuar në një letër të botuar në “Corriere della Sera”, që ish-ministri i Ekonomisë dhe Financave, Giulio Tremonti I ka dërguar drejtorit të së përditshmes, Luciano Fontana.
Një propozim që i ka pëlqyer deputetit të ‘Forza Italia’ dhe anëtarit të Komisionit për Aktivitete Prodhuese, Tregti dhe Turizëm të Montecitorio, Maurizio Carrara. “Ajo që propozohet nga Tremonti është një zgjidhje, dhe do të ishte një përgjigje detyre nga Shteti për t’u përballur me krizën. Një ndërhyrje e rëndësishme për rigjallërimin e ekonomisë kombëtare”, sqaroi parlamentari për “Agenzia Nova”, sipas të cilit “emetimi i eurobondeve është gjithashtu i nevojshëm.”
Në këtë moment duhet të bëjmë presion për më shumë likuiditet për të forcuar sistemin tonë të prodhimit. Bashkimi Evropian është në një udhëkryq dhe e ardhmja e saj është në rrezik përballë kësaj urgjence shëndetësore dhe ekonomike.”
Sa i përket strategjisë kombëtare të mbrojtjes dhe rindërtimit të treguar nga Tremonti, për Maurizio Carrara “kjo është padyshim një ide interesante. Gjëja e parë që duhet të karantinohet tani është burokracia. Ne duhet të çlirojmë energjitë tona, të ndërtojmë vendin përsëri, nga infrastruktura së pari.” – u shpreh ai.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.